السكشن التانى لدكتوره منه

    شاطر
    avatar
    baskooota

    انثى
    عدد الرسائل : 69
    العمر : 28
    عنوانك : شبرا يمين وانت طالع وحاسب السلمه المكسوره
    SMS : اسال الله ان ينظر اليك وهو يباهي بك ملائكته
    ويقول (اني احببت عبدي فاحبوه)
    علم دولتك :
    الاوسمه :
    فى سنه كام : بجد فى تالته
    تاريخ التسجيل : 20/09/2008

    a3 السكشن التانى لدكتوره منه

    مُساهمة من طرف baskooota في الثلاثاء نوفمبر 10, 2009 3:02 am

    بسم الله الرحمن الرحيم

    ورجعنا تانى كان فاصل قصير يعنى ما لحقتوش توحشونى هههههههههههه

    لالالالالا وحشتونى طبعا بس يارب اكون بفيدكو

    ده كل اللى حصل فى السكشن التانى لدكتوره منه واللى حصل كتاتى .....

    اولا طلبت تكليفين :

    التكليف الاول : اختيار سلعه او خدمه (موجوده او فى خيالك انت بس )
    وعمل عليها خطه تسويقيه ونطبق عليها اللى خدناه نظرى بس
    يعنى مثلا مش هنعملها لوجو ولا شعار
    ولا تصميم للاعلانات لان دى حاجات عملى ولسه هناخدها ان شاء الله

    التكليف التانى : نجيب 4 اعلانات من الصحف والمجلات ونقصهم ونلزقهم فى ورق
    ونحدد فى كل اعلان ايه المكونات اللى موجوده فيه
    وكمان راينا فى الاعلان

    تنبيه هام : مش تكتب الاعلان وحش , الاعلان حلو اوووى وبــــــس
    لالالا تكتب حلو ليه ووحش ليه

    دى التكليفات ندخل بقى فى اللى اتقال :

    الدكتوره ابتدت السكشن بعنوان مش جديد وهو (( البحوث التسويقيه ))
    وقالت ان البحوث دى بتنقسم الى قسمين :-

    1 / بحوث متعلقه بالمستهلك : تقوم بدراسة السلوك الشرائى والبحوث دى بتكون بصفه
    دوريه لان السلوك الشرائى دايما بيتغير نتيجه لعوامل
    كثيره

    2/ بحوث السوق : (( B2B )) (( business to businuess ))

    بنتعرف من خلالها على اتجاهات السوق , اعلانات السلع المنافسه , مميزات و عيوب المنتج المنافس , احتياجات الجمهور

    وبعد كده شرحت تانى خطوات الخطه التسويقيه اللى هى باختصار ومجرد تذكير :

    1/ تحديد المشكله التسويقيه
    مثل : وجود صوره ذهنيه سيئه عن المنتج او الشركه لدى الجمهور , وجود مشكله فى المبيعات , وجود مشكله تسويقيه فى المنتج زى انه ما بقاش يوفر احتياجات الجمهور زى منتجات تانيه

    2/ جمع البيانات :
    مثل : عن المنافسين ومميزاتهم وعيوبهم وعن الجمهور المستهدف عن طريق الاتصال المباشر وعمل (( focus groub )) يعنى نجيب مجموعه او عينه من الجمهور المستهدف ونسالهم عن المنتج لو موجود وايه الحلو والوحش من وجهة نظرهم ولو مش موجود يبقى نسالهم عن احتيجاتهم فى منتج زى ده وايه عيوب باقى المنتجات ,ممكن كمان نستغل وسائل الاعلام فى الحصول على معلومات عن المنتج وعيوبه ومميزاته وايضا من المواقع الالكترونيه

    3 / تحليل البيانات

    4 / كتابة التقرير وعمل خطه تسويقيه

    عمل الخطه التسويقيه :-

    1 / تحديد الجهه المسئوله
    مثل (حملة توعيه ضد مرض انفلونزا الخنازير تحت رعاية وزارة الصحه )

    2 / البيانات الرئيسيه للحمله
    مثل :نوع المنتج ,اسم المنتج ,جنسية المنتج , نبذه عن المنتج
    هدف الحمله الاعلانيه : ممكن يكون طرح منتج جديد فى السوق ونريد ان ينافس المنتجات الاخى بقوه , او زيادة مبيعات منتج موجود بالفعل

    3 / تحديد الجمهور المستهدف : ودى اهم خطوه لاننا كل ما حددنا الجمهور بشكل دقيق كل ما قدرنا نعمل حمله ناجحه نوصل بيها بكل سهوله للجمهور ويتم تحديد الجمهور ع اساس الطبقات والمستوى التعليمى والاقتصادى والسن والنوع و...........الخ

    4 / تحديد المنافسين : وعيوبهم ومميزاتهم

    5 / ٍٍٍSWOT

    6 / الاستراتيجيه

    وده كله قديم اتقال فى السكشن اللى فات الجديد بقى اهو :

    7 / نقاط التركيز :-
    اللى ممكن اركز عليها فى الحمله زى التوفير والجوده
    مثال اعلان جهينه من اول ما نصحى لحد ما النام العيله كلها بتستخدم منتجات جهينه ماما وبابا والاطفال وبعد كده يقولك (جهينه كل الصحه كل الطعم ) فهنا بياكد على جودة المنتج اللى خلت الكل يستخدمه على مدار اليوم
    او اعلان فيرى اللى بيغسل 6 الاف طبق وهنا بياكد على التوفير عند استخدام المنتج

    8 / الجوانب الفنيه للحمله :
    اللى هما اللوجو والشعار لا بد من اختيار لوجو وشعار مميزين للسلعه لانهم هما اللى بيعملوا للمنتج هويه اصلا

    انواع الرسائل :
    *اعلان صحافه بيعتمد على الــ design
    *اعلان راديو بيعتمد على كتابة الاسكريبت الاذاعى
    *اعلان التليفزيون بيعتمد على الاسكريبت
    *اعلان outdoor بيعتمد على الــ design
    *اعلان الانترنت بيعتمد على الـ design

    اعلانات الصحف :-

    ســ / ايه اللى بيميز اعلانات الصحف عن غيرها من الاعلانات ؟

    جــ / 1 - الجرنال او المجله بيبقوا معانا فى اى وقت واى مكان ويمكن الاحتفاظ بهم والرجوع وقتمانشاء

    2- اعلان الصحف بيتيح لنا اننا نعرف تفاصيل اكتر عن المنتج عكس الوسائل الاخرى
    مثل اعطائها لنا معلومات عن خصائص المنتج لايمكن ذكرها فى وسيله تانيه


    المكونات الاساسيه للاعلان الصحفى :-

    1 / العنوان : وهناك عنوان رئيسى واخر فرعى
    مثل : انا (( لوجو الشركه )) احلى الالحان ــــــ عنوان رئيسى
    ((sony ericsson)) ــــــــــ عنوان فرعى

    2 / الصوره او المعادل البصرى للاعلان
    واختيار الصوره يمثل 70% من نجاح الاعلان والصوره تغنى عن الف كلمه ولكن لابد ان تعبر الصوره عن هدف الحمله بالظبط

    3 / اللوجو والشعار
    بيتحطوا فين يا ترى .........؟

    المكان رقم واحد فوق على الشمال
    والمكان التانى تحت على الشمال

    لكن لازم يكون عندى مرونه واختار انسب مكان ليهم حسب الاعلان والمنتج نفسه والتفاصيل الموجوده عندى كمان

    تــــــــم بحمـــــــــــد اللـــــــــــه ......انتظرونا قريبا



    avatar
    myarm

    انثى
    عدد الرسائل : 1
    العمر : 28
    SMS : اسال الله ان ينظر اليك وهو يباهي بك ملائكته
    ويقول (اني احببت عبدي فاحبوه)
    علم دولتك :
    فى سنه كام : بجد فى تالته
    تاريخ التسجيل : 10/11/2009

    a3 رد: السكشن التانى لدكتوره منه

    مُساهمة من طرف myarm في الثلاثاء نوفمبر 10, 2009 3:21 pm

    bgd ya baskoaa mercii awyyy bgd aftnaa...bas 3yza as2al so2al:
    fl tkleef elly dr.menna 3yzah
    feeh 7aga m7yrany mfroood akteb eh f tany 7aga heya tlbaha elly heya el sora aw el mo3dal el bsryyy y3ni eh mmkn teshr7ellly

    bgd mwdoo3 gmed gdan
    avatar
    baskooota

    انثى
    عدد الرسائل : 69
    العمر : 28
    عنوانك : شبرا يمين وانت طالع وحاسب السلمه المكسوره
    SMS : اسال الله ان ينظر اليك وهو يباهي بك ملائكته
    ويقول (اني احببت عبدي فاحبوه)
    علم دولتك :
    الاوسمه :
    فى سنه كام : بجد فى تالته
    تاريخ التسجيل : 20/09/2008

    a3 رد: السكشن التانى لدكتوره منه

    مُساهمة من طرف baskooota في الخميس نوفمبر 12, 2009 1:25 am

    ميرسى يا myarm على كلامك ومبسوطه جدا انى افدتك
    وع قد فهمى للسكشن ولسؤالك
    انك لما تجيبى الاعلان وهيكون فيه صوره طبعا
    تقولى مثلا الصوره دى بتعبر عن ايه
    وايه علاقتها بالمنتج او الخدمه
    وايه اللى حققته ليكى
    يعنى لما شفتيها قدرتى تعرفى منها ايه
    وفى رايك فى الاعلان هتقولى بقى رايك فيها
    وهل هى حققت اللى مطلوب منها ولا لأ
    وهل كانت متوافقه مع الاعلان واختيارها صحيح ولا لأ

    ويارب يكون اجابتى صح ان شاء الله




      الوقت/التاريخ الآن هو الأحد مايو 27, 2018 2:02 pm