الزجل الذي قاله ا.مصطفى .. من برنامج خدعوك فقالوا

    شاطر

    hobsha

    انثى
    عدد الرسائل : 2
    العمر : 25
    هوايتك ايه : القراءة ، التصوير
    SMS : اسال الله ان ينظر اليك وهو يباهي بك ملائكته
    ويقول (اني احببت عبدي فاحبوه)
    علم دولتك :
    فى سنه كام : انا اصلا فى تانيه
    تاريخ التسجيل : 30/09/2009

    m9 الزجل الذي قاله ا.مصطفى .. من برنامج خدعوك فقالوا

    مُساهمة من طرف hobsha في الخميس يناير 14, 2010 10:37 pm

    ده الزجل اللى قاله مصطفى حسني ربنا يكرمه يااااااااا رب .. فى أول حلقة من خدعوك فقالوا الجزء الثالث .. اقرأوه كله كله كله جمييييييييييل ..



    ياما طلع منا تصرفات وسلوكيات غلط

    أخلاق مترضييش ربنا وكلام زي الزلط

    وكل ما نيجي نصلح سلوك يرجع ويتكرر

    قلنا لازم نعمل وقفة ومن عيوبنا نتحرر

    فكرنا لقينا السلوك دايما بيتولد

    لما المفهوم بيترسخ في العقل ويتوجد

    والمفهوم ده كان أصله فكرة جنب فكرة

    مع موقف حصل لي واتسجل كأنه ذكرى

    وعندنا مشكلة بتحصل اسمها التعميم

    موقف حصل لي مرة فقلت الدنيا كلها كده ...واتكونت المفاهيم

    وركز معايا في الكلام اللي بيتقال

    واساعدك يا صاحبي ...هضرب لك كام مثال

    ناس كثير واخدة فكرة وحشة عن الدين

    واقتنعوا بالفكرة لما شافوا بعض المتدينين وحشين

    قالوا فين المسلمين الصح؟! وفين راحوا الصالحين؟!

    واخد بالك يا صاحبي من مشكلة التعميم؟

    كله زي كله وبكده تتكون المفاهيم

    واحد تاني فاكر انه شخص تعيس

    فشل مرة في حياته واستسلم لأفكار إبليس

    والتاني قاعد على القهوة بيغني بيقول "يا بطالة"

    فاهم ان البلد نايمة مع ان في ناس كتير شغالة!!

    وواحد يائس وحزين ومحدش عارف يكلمه

    أصل ذنوبه كثير، كان فاهم ان ربه مش هيرحمه

    بصيت في ديننا لقيت الموضوع ده قديم

    حتى إبليس كان عارفه وبقى يشتغل على المفاهيم!!

    وقال لربنا هزين لهم الدنيا ولأغونيهم أجمعين

    وهخلي الصح غلط، والغلط صح عشان يبقوا متلخبطين

    فجِه سيدك النبي وفهمنا معنى الدين

    ورتب للناس عقولها بعد ما ضاعت سنين

    سيدك مُحمد فهمك لو عايز تبقى في القيامة جنبه

    عامل أخوك بحنية وأوعى تجرح له قلبه

    خلاني أفكر في الناس اللي حواليا

    وأفهم ان ديني حقوق ليا وحقوق عليا

    فاكرين دعوة صاحبه الصدّيق

    اللي كان بيمشي معاه في كل طريق؟

    يا رب وريني الحق حق وخليني أمشي عليه

    ووريني الباطل باطل ولو كل الناس نصحوني بيه

    يا صاحبي الموضوع كله في تظبيط العقول

    اعرض مفاهيمك على كلام ربك وطريق الرسول

    واحرس عقلك يا صاحبي وخد بالك منه

    لأنك بكره هتقابل ربك ويسألك عنه


    nb6720

    انثى
    عدد الرسائل : 9
    العمر : 27
    SMS : اسال الله ان ينظر اليك وهو يباهي بك ملائكته
    ويقول (اني احببت عبدي فاحبوه)
    علم دولتك :
    فى سنه كام : والله فى رابعه
    تاريخ التسجيل : 01/10/2009

    m9 رد: الزجل الذي قاله ا.مصطفى .. من برنامج خدعوك فقالوا

    مُساهمة من طرف nb6720 في الخميس يناير 21, 2010 1:26 pm

    جميل اوى يا هوبشة
    تسلم إيدك
    وربنا يكرم أ/مصطفى حسنى ويباركله فى عمله

    sara tancredi

    انثى
    عدد الرسائل : 2
    العمر : 26
    SMS : اسال الله ان ينظر اليك وهو يباهي بك ملائكته
    ويقول (اني احببت عبدي فاحبوه)
    فى سنه كام : بجد فى تالته
    تاريخ التسجيل : 18/09/2009

    m9 رد: الزجل الذي قاله ا.مصطفى .. من برنامج خدعوك فقالوا

    مُساهمة من طرف sara tancredi في الجمعة فبراير 19, 2010 11:56 am

    شكرا ليكى كتير
    انا كنت بدور علية بقالى مدة و مش عارفة اجيبة
    تسلم ايديكى

      الوقت/التاريخ الآن هو الإثنين يناير 16, 2017 4:57 pm